Instituti Cilësor për Hulumtime, Analiza dhe Trajnime sot ishte pjesë e ceremonisë së certifikimeve, organizuar nga MKRS për të rinjtë e trajnuar nga organizatat përfituese të fondit rinor, për implementimin e masave të punësimit për të rinjtë në fushën e Ndërmarrësisë dhe Biznes Planeve.
Prezent në këtë ceremoni ishte ministri i Ministrisë së Kulturës, Rinisë dhe Sportit z.Kujtim Gashi, dhe e nderoi me prezencën e tij edhe kryetari i Kuvendit të Republikës së Kosovës z.Kadri Veseli.
Përmes këtij projekti nga Institututi iCHAT janë trajnuar 65 të rinjë nga komunat: Malishevë, Drenas dhe Suharekë.
Në këtë ceremoni, drejtori i Institutit iCHAT u drejtua të pranishmëve me një fjalë rasti mesazhi kryesor i të cilit ishte:
“Të dashur të rinj, ju keni marr mundimin për të qenë pjesë e këtij procesi trajnues, dhe e kuptoj se ballafaqoheni me vështirësi të ndryshme çdo ditë.
Por Imagjinoni nëse do të kishit çdo gjë që dëshironit!
Pa mundime.
Pa punë të vështirë.
Pa asnjë sfidë.
Disa prej jush janë duke thënë … kjo do të ishte e mrekullueshme …
Por, në fakt, ju do të ishit të dobët – po të ishte kështu!
Ju nuk mund të rriteni pa sfida e mundime.
Ju nuk mund të jeni të fort në jetë pa rezistencë, pa sfiduar veten, pa mundime.
Pra, mos u dorëzoni.
Ju keni një qëllim në këtë botë.
Dhe do ta gjeni qëllimin vetëm nëse vazhdon të rriteni të fortë.
iCHAT do të vazhdoj të jetë mbështetja juaj, dhe do të punoj vazhdimisht për fuqizimin tuaj”.